ഗാന്ധിജയന്തിയോടനുബന്ധിച്ച് സ്കൂളില് പ്രതിജ്ഞയും സേവന വാരവും നടന്നു. വീടും സ്കൂളും പരിസരവുമെല്ലാം വൃത്തിയായി സൂക്ഷിക്കാന് താന് ബാധ്യസ്ഥനാണെന്നും അവ ഒരിക്കലും മലിനപ്പെടുത്തുകയില്ലെന്നും പ്രധാനദ്ധ്യാപിക ശ്രീമതി ലൈലാമണി ടിച്ചറ് പ്രതിജ്ഞ ചൊല്ലികൊടുക്കുകയും കുട്ടികള് അതേറ്റു ചെല്ലുകയും ചെയ്തു. തുടര്ന്ന് സ്കൂളും പരിസരവും വൃത്തിയാക്കുകയും പുതിയ പൂന്തോട്ടം നിര്മ്മിക്കുകയും ചെയ്തു.
2014-15 ലെ അദ്ധ്യയന വര്ഷത്തേക്കുള്ള കൃഷിത്തോട്ട നിര്മ്മാണ പ്രവര്ത്തനങ്ങള്ക്ക് തുടക്കമായി. കപ്പ, ചീര, പയര്, വാഴ, പപ്പായ, കോവക്ക തുടങ്ങി വിവിധയിനം കൃഷികളെ കൊണ്ട് സമൃദ്ധമായ കൃഷിത്തോട്ടം കുട്ടികളുടേയും അധ്യാപകരുടേയും പൂര്ണ്ണ പരിചരണത്തിലാണ്.
